බස්නාහිර පළාත් පදිංචිකරුවන් සඳහා කොවිඩ් එන්නත් ලබාගැනීමට මාර්ගගත හා කෙටි පණිවුඩ මගින් දිනයක් වෙලාවක් හා එන්නත් ලබාගැනීමේ මධ්‍යස්ථානයක් වෙන්කර ගැනීමට දැන් අවස්තාව උදාවී ඇති බව තොරතුරු හා සන්නිවේදන තාක්ෂණ නියෝජිත ආයතනය පවසනවා.
ස්පුට්නික් සහ සිනෝෆාර්ම් එන්නතෙහි පළමු හා දෙවන මාත්‍රාව විධිමත් ලෙස ලබා දීම සහතික කිරීම සඳහා මෙම එන්නත් ලබාදීමේ වැඩපිළිවල ආරම්භ කරන ලද අතර කොළඹ, ගම්පහ සහ කළුතර දිස්ත්‍රික්කවල වෙසෙන අවුරුදු 30 ට වැඩි අය සදහා මෙමගින් පහසුකම් සැලසේ.
තොරතුරු හා සන්නිවේදන තාක්ෂණ නියෝජිතායතනය (ICTA), කොවිඩ් – 19 පැතිරීම වැළැක්වීමේ ජාතික ක්‍රියාන්විත මධ්‍යස්ථාන (NOCPCO), විදුලිසන්දේශ නියාමන කොමිෂන් සභාව (TRC) සහ ජංගම දුරකථන සේවාවන් සමඟ එක්ව මෙම වැඩපිළිවල ක්‍රියාත්මක කෙරෙනවා.
සුදුසුකම් ලත් පුරවැසියන්ට https://vaccine.covid19.gov.lk වේබ් අඩවිය හෝ SMS මගින් ලියාපදිංචි වියහැකියි.
කෙටි පණිවුඩ මගින් ලියාපදිංචි වීම සඳහා, පහත දැක්වෙන විධානයන් ටයිප්කර 1906 වෙත යොමුකළ යුතුවනවා .
පියවර 1: සක්‍රීය එන්නත් ලබා දෙන දිස්ත්‍රික් කේත ලැයිස්තුවක් ලබා ගැනීම සඳහා “districts” ලෙස සටහන් කර යවන්න
පියවර 2: ඔබට ලැබෙන දිස්ත්‍රික් ඛෙත අතරින් ඔබගේ දිස්ත්‍රික් ඛේත්ය තෝරා ටයිප් කර නැවත 1906 ට යැවීමෙන් ප්‍රදේශ MOH ඛෙත ලැයිස්තුව ලැබෙනු ඇති. උද ( COL )
පියවර 3: එහි ඔබට අදාළ ප්‍රදේශ කේතය තෝරාගෙන (උදා : COL 2) පහත සදහන් ආකාරයට ටයිපකර යැවීමෙන් ලියාපදිංචි එන්නත් ලබාගතහැකි මධ්‍යස්ථාන ඛේතයන් ලබාගත හැකියි .
පියවර 4: ඔබේ පළමු එන්නත සඳහා ලියාපදිංචි වීම සඳහා ඔබ ලබාගැන ඇති ඛේතයන් ඇසුරින් පහත ආකෘතිය සම්පුර්ණකර කෙටි පණිවිඩයක් යවන්න.
සාර්ථකව ලියාපදිංචි වූ පසු, ඔවුන්ට ලියා පදිංචි අංකයක් ( කේතයක්) ලැබෙනු ඇත.
යමෙකුට නියමිත වේලාවට අදාළ එන්නත් කිරීමේ මධ්‍යස්ථානයට පැමිණ එම අංකය යොමු කිරීමෙන් පහසුවෙන් එන්නත ලබාගත හැකියි.
මීට අමතරව, කොවිඩ් -19 එන්නත මාත්‍රාවන් දෙකම ලබාගත් අය සඳහා ජාත්‍යන්තරව පිළිගත් සහතිකයක් ලබා ගැනීමට මෙම පද්ධතිය පහසුකම් සපයන බව තොරතුරු හා සන්නිවේදන තාක්ෂණ නියෝජිතායතනයේ ප්‍රධාන තාක්ෂණ නිලධාරි හිරණ්‍යන්‍ය සමරසේකර මහතා පවසනවා.
“කෝවිඩ් -19 එන්නත මධ්‍යස්ථානවලින් මහජනතාවගෙන් ලබාගත් තොරතුරු සෞඛ්‍ය අමාත්‍යාංශය විසින් පවත්වාගෙන යනු ලබන තොරතුරු පද්ධතියකට යොමු කරනු ලබනවා
ඊට පසු, එන්නත් මාත්‍රා දෙකම ලබා ගත් අයට මෙම ක්‍රමය හරහා සහතිකයක් බාගත කළ හැකියි.
එමගින් පුද්ගලයාගේ නම, වයස, ජාතික හැඳුනුම්පත (ජාතික හැඳුනුම්පත) අංකය, එන්නත ලබා දුන් දිනය, එන්නත් වර්ගය සහ කාණ්ඩායම් අංකය සොයා ගැනීම පහසු කරයි. මෙහි ඇති සුවිශේෂත්වය නම් QR කේතය හරහා ලෝකයේ ඕනෑම තැනක සිට නිරවද්‍යතාව තහවුරු කර ගත හැකි වීමයි.”
