පියාසර කළ හැකි මෝටර් රථයක් සිය පළමු ගමන ලෙස නයිට්‍රා සහ ස්ලොවැකියාවේ බ්‍රැටිස්ලාවාහි ජාත්‍යන්තර ගුවන් තොටුපල අතර විනාඩි 35 ක ගුවන් ගමනක් සම්පූර්ණ කර තිබෙන බව විදෙස් මාධ්‍ය වාර්තා කරනවා.
එයාර්කාර් නම් මෙම දෙමුහුන් මෝටර් රථය BMW එන්ජිමකින් සමන්විත වන අතර සාමාන්‍ය පෙට්‍රල් ඉන්ධන මගින් ධාවනය වනවා.
එහි නිර්මාතෘ මහාචාර්ය ස්ටෙෆාන් ක්ලයින් පවසන්නේ මෙම එයාර් කාර් රථය අඩි 8,200 (මීටර 2,500) ක උසකින් කිලෝමීටර් 1,000 ක් (සැතපුම් 600 ක්) පියාසර කළ හැකි බවත්, මේ දක්වා පැය 40 ක් අහසේ ගමන් කර ඇති බවයි.
එමෙන්ම මෙය මෝටර් රථයේ සිට ගුවන් යානයක් බවට පරිවර්තනය වීමට මිනිත්තු දෙකයි තත්පර 15 ක් ගත වනවා.
වාතය තුළ වාහනය පැයට කිලෝමීටර 170 ක වේගයෙන් ගමන් කිරීමට හැකි අතර එහි බර කිලෝග්‍රෑම් 200 සමඟ පුද්ගලයන් දෙදෙනෙකු ද රැගෙන යා හැකියි.
